「生意黨」用尷尬藉口慫恿訂酒圖呃錢，海鮮店一招識破詭計，豪訂12人海鮮作餌，Juicy叮揭露真相。

詐騙集團猶如撒網的漁翁，社會上不同階層的人也可能成為受騙者。”商業詐騙集團”專門針對商人，以各種借口接近，企圖讓對方相信有利可圖而上當。

近日一家海鮮店遭到”商業詐騙集團”的試探，對方豪訂了12人份量的海鮮，聲稱公司晚宴需要使用，期間以尷尬藉口試圖讓店家幫忙訂酒，幸好機識的海鮮店識破詭計，成功躲過。詳情見下圖及下文：

豪訂12人海鮮作餌 「生意黨」用一尷尬藉口慫恿訂酒圖呃錢 海鮮店一招識破詭計逐張睇↓↓↓↓

樓主：真人真事 我們遇到騙案

樓主最近在社交平台Threads直接以「騙案」為題上傳照片發帖，提醒大家「長文慎入，真人真事，我們遇到騙案！」。樓主的警世文以「橋的確唔怕舊，尤其係大家屋企有做生意嘅長輩，唔好怕長氣，記得提佢哋慎防騙案！」作開場白。

接著講述事情始末，由”商業詐騙集團”開始接觸他們說起——「有冇朋友試過有以下類似嘅經歷？話說騙徒假扮客人想搵我哋訂海鮮，然後想喺附近酒樓做海鮮加工。首先，騙徒噚日下晝已經開始WhatsApp我哋，自稱林生，『有12人食公司晚飯想訂海鮮，聽日下晝6點過嚟門市，又問我哋附近有邊間可以做海鮮加工…』。

咁我就順理成章介紹咗幾間可以做加工嘅食肆俾佢…（正常的，大家都會咁問），然後，佢叫我幫佢諗菜式，又叫我寫個海鮮List（名單）俾佢預12人份量（我有好認真咁幫佢），佢仲想叫我幫手打電話去酒樓度訂枱。（當然我就冇咁做，因為我哋同酒樓係冇關係）」。

相關閱讀：「親戚童黨」港鐵出沒 出一奇招搲飯食、討$2 港女俾錢後男童竟自認表弟

樓主指起初時一切正常

樓主提到起初時一切正常，「當下呢刻，所有嘢都好真實亦好似好順利，我提議任何嘢，呢位林生都話OK，佢仲訛稱話會介紹多啲朋友過嚟我哋到買海鮮（我真係好多謝你）」。

但接著說到重點，「生意黨」的戲肉到了。樓主稱「不過，呢個時候我都開始有少少懷疑了，然後…戲肉到。今朝佢又再WhatsApp打俾我，關心問我返工未？ (似乎想博取我信任），寒暄兩句後，佢終於入正題了，佢想叫我幫佢訂酒！佢想叫我幫佢訂酒！

佢訛稱話想送酒俾公司同事，不過根據佢嘅口供，話同自己本身訂酒嘅供應商，基於回購問題產生咗矛盾；訛稱「唔好意思喺嗰度訂」，所以叫我搵相熟嘅朋友幫佢訂酒，佢仲信心十足話可以預先付款（佢講到呢到…都已經覺得橋段好似曾相識），然後，騙徒又再WhatsApp咗張酒相俾我（下面圖一）」。

相關閱讀：「神棍黨」屯門周街指點迷津 寫幸運號碼念經後即收錢 網民爆行蹤：九龍呢3處都有

醒目樓主使出一招揭發詭計

醒目樓主於是使出一招揭發詭計，自爆「喺好奇心嘅驅使下，我就上網Google張相，點知……我發現到佢Send（傳）俾我張酒相，同網上圖片嘅相係一模一樣…嗰張網上圖片係一張WhatsApp對話嚟，啲對話同我收到個啲都係內容相若。騙徒又係叫對方幫手訂酒，又係Send咗呢張酒相俾佢，又自稱可以預先付款等等…（目的要預先博取你信任）」。

樓主醒目地表示「當然我就冇中計啦…因為我對酒呢樣嘢又唔係好認識，咁個波就一定俾返佢㗎啦」。講述事情的後續發展時，樓主稱「到最後，林生真身就梗係從來都無出現過（訂海鮮都只不過係一個藉口）而佢知道事敗，今日下晝亦好快將所有WhatsApp對話全部Delete（刪除）咗」。

但係我又唔覺意咁幫佢預先Cap好咗某啲對話，歡迎Share（分享）！（尤其係俾屋企長輩）唔希望再有人會俾呢班無恥騙徒呃咗大家嘅辛苦錢」。

樓主最後提醒「所以想借分享呢件事溫馨提示一下，各位長輩、同行、零售業者、營商者等大家記得要小心！最後最後，我哋係唔會俾呢啲騙徒嚇怕，如果你哋有12人想訂海鮮又想喺我哋門市附近做海鮮加工…，我哋仍然會WhatsApp接單的多謝你地無懼長文睇到呢到」。

資料來源：3fish.seafood＠Threads

相關閱讀：港男羅湖遭「美女黨」糾纏實拍全過程 請飲嘢後出事：「佢拉住我唔畀我走！」最後金錢損失咁多↓↓↓↓

去年底，有港男實拍在羅湖懷疑被「美女黨」糾纏，他偷偷拍下全過程，提醒「大家要提高警覺」，引發網民關注熱議。港男Youtuber「香港大成」發布其親身經歷，他將全過程公開如下↓↓↓↓