【Oppa主理】地道韓粥有韓牛·鮑魚! 韓國人春夏必食人參雞粥 | OpenRice 香港開飯喇

每次睇韓劇都好想食韓國嘢!! 除咗成日見嘅泡菜拌飯、炸雞啤酒外，有無發現主角每次酒後或病咗都會食粥，原來食粥文化對韓國人好重要㗎。因為熱粥可以養胃驅寒，人參雞粥更係韓國人春夏必食嘅「以熱治熱」養生好料。

韓國釜山Oppa開嘅“HANA Korean Restaurant”，就係將佢家鄉釜山粥帶嚟香港。每日用4-5個鐘將釜山米熬成粥底，依傳統用麻油取代一般食用油，滿滿麻香又健康。最重要係零味精，有時想暖胃、驅寒甚至消暑，食碗韓國粥真係好每次睇韓劇都好想食韓國嘢!! 除咗成日見嘅泡菜拌飯、炸雞啤酒外，有無發現主角每次酒後或病咗都會食粥，原來食粥文化對韓國人好重要㗎。因為熱粥可以養胃驅寒，人參雞粥更係韓國人春夏必食嘅「以熱治熱」養生好料。

韓國釜山Oppa開嘅“HANA Korean Restaurant”，就係將佢家鄉釜山粥帶嚟香港。每日用4-5個鐘將釜山米熬成粥底，依傳統用麻油取代一般食用油，滿滿麻香又健康。最重要係零味精，有時想暖胃、驅寒甚至消暑，食碗韓國粥真係好爽！

“HANA Korean Restaurant”由韓國釜山Oppa開設，好有韓國小店氣氛。

地道釜山粥味道！

地道韓國粥比較濃稠，每啖都有綿密米感，係食完有滿足感嘅熱粥！而且Oppa用家鄉做法準備咗2款配料—醃蘿蔔、辣魷魚，鹹鹹辣辣佐粥一流。

想食最原始釜山粥味，menu上嘅「HANA粥」就係基本粥底+8款粒粒蔬菜。

依釜山家鄉食法，免費跟2款配料—醃蘿蔔、辣魷魚佐粥。

矜貴粥料　韓國首爾都未必有

韓國人咁重視粥文化，粥料當然好講究。所以Oppa特別由韓國訂購食材，煮製釜山鮮鮑魚粥、吞拿魚蔬菜粥、鮮蝦蔬菜粥等。好多香港人去韓國都會專登搵鮑魚粥食，而家香港都食到啦。

而呢度有一款粥係韓國都未必有，就係韓牛蔬菜粥！好多人都知韓國人好重視韓牛，當地人為你準備韓牛嘅話即視你為上賓。而Oppa就由韓國訂購正宗韓牛，綿綿粥底滲透牛香好驚喜。

另一款韓國當地都無嘅粥，就係豬肉蔬菜粥喇。不過Oppa都話唔知點解韓國無得食，但知道香港人無肉不歡，所以專程由韓國訂豬肉嚟煮㗎。

韓國人解酒熱粥！釜山泡菜原來有海鮮

想感受吓韓國人酒後暖胃嘅暢快，Oppa提到韓國人解酒必食泡菜章魚粥、釜山特色泡菜粥，酸酸辣辣有助解酒醒神。

想感受吓韓國人酒後暖胃嘅暢快，Oppa提到韓國人解酒必食泡菜章魚粥、釜山特色泡菜粥，酸酸辣辣有助解酒醒神。

韓國烏冬·餃子

呢度仲有多款地道烏冬—釜山魚糕烏冬、泡菜五花腩烏冬、韓式牛肉烏冬等，烏冬好煙韌軟Q㗎。

平時韓國人食粥或者烏冬都會配埋餃子，Oppa亦準備咗蒸/煎餃子—蒸/煎韓國鮑魚餃子、蒸/煎韓牛餃子、蒸/煎濟洲黑豚肉餃子等，真係好似飛咗去韓國食餐貼地料理。

同場仲有多款地道烏冬、蒸/煎餃子，份量足料。

HANA Korean Restaurant

地址: 尖沙咀金巴利街1E號地舖