一推開門，好似叮噹嘅隨意門咁，瞬間穿越到日本居酒屋！昏暗燈光、滿牆酒標、仲有陣陣燒烤香，氣氛好到令人不知不覺沉醉落嚟🍶
嚟居酒屋梗係要酒+串燒，咁先夠爽🔥
食材相當講究，雞肉用無添加激素嘅秋川雞，肉質真係特別嫩滑。仲有幾款超罕見串燒，一定要試：
✨烤提燈 – 第一次食！一咬落去蛋汁喺口中爆發，蛋味極濃，下面嘅雞肝燒得粉嫩，一啲都唔乾柴，驚喜之作
✨五花肉烤糖心蛋 – 油脂香＋蛋香，燒過之後口感比未燒更吸引，邪惡但超正
✨紫蘇雞腿肉串 – 紫蘇葉同雞肉意外地夾，唔會太搶味，清新解膩
✨雞腿肉加大蔥 – 唔好睇小呢串！大蔥一啲都唔嗆喉，仲有種清甜味，燒得剛剛好
✨烤大大粒棉花糖 – 一咬軟綿綿拉絲，童年回憶返晒嚟～
熟食方面都唔輸蝕：
🐟鹽烤青花魚 – 皮脆肉嫩，勁Juicy，簡單但見功架
🍱鰻魚飯三吃 – 超級有驚喜！第一食原味，鰻魚新鮮厚肉，油香勁濃；第二食加芥辣、紫菜同蔥花，口感即刻提升；第三食茶漬飯，清爽舒服，完全唔同層次
想食冇咁邪惡嘅嘢，可以叫個鳥劍卷心菜，淋上特製醬汁，超Fresh；牛油果芝士卷都用料十足，滿足！
總括嚟講，呢間氣氛＋食物水準都高，無論收工同朋友傾計，定係情侶撐枱腳都好適合。
鸟剑居酒屋(石厦店)
📍石厦花园119-120号铺（石厦时代广场对面新天石厦花园地面停车场入口旁营业到凌晨2点）
片段來源：小僮同遊世界
相關報道
返深圳整頭髮， 平到你唔信
一秒穿越，回到大唐
跟長老夜闖蓮塘街市！￥15剪髮｜夜晚掃貨會平啲？有無收市價？