不專業足球筆記（九十二）：艾華頓倒戈發威，理文後防集體hang機致慘敗；至尊沙田換帥增兵，惟門將位置仍然令人擔憂
今個星期比較忙（忙住睇Foyege套馬份sor9ly😂😂😂），所以呢集唔打太多喇，簡單咁當傾計傾幾句。
港超聯重頭戲，由開季五連勝嘅理文，主場迎戰傑志，個戰果真係出乎意料估佢唔到，理文竟然被大炒五個一皮。
兩隊實力相距唔遠，理文喺贊卡路帶領下，今季踢到好好；而傑志開季頭兩場慢熱仲試過失分和北區（咁北區都係有料嘅），亞冠二未算太出色但本地賽近況都開始上力，邊隊贏其實都唔意外，但理文輸咁大鑊就真係意外。
睇精華，傑志真係踢得好，但其實咁大比分既原因，更加多係由艾華頓入咗第三球之後，理文條後防突然傻晒hang晒機，完全係散晒，直頭同任人魚肉冇分別。
艾華頓今場報仇咁報咁，傑志既第三球更加係個人表演，乘卡拉夫稍為控甩咗少少拍埋去搶走個波，再單騎走千里，玩到曾以行撚狗咁，再一個人單挑理文成條後防仲射入埋，證明自己仲有心有力。
明加索夫今場都好sharp。
另一場想講嘅係至尊沙田迎戰港會，增兵兼換帥後究竟有冇改善。
屌你鄧達思唔知係咪比我上集燈咗，定仲未操得起，今場都幾慢同幾多甩漏，我仲諗住佢係可以即插即用，睇黎要多少少時間先可以睇下佢做唔做到沙田至尊救星。
今場至尊沙田改用劉偉翰把關，係有靚救，但都係有啲好恐怖既失誤，其中第一球佢要負好大責任。之前有人喺threads post讚過佢係上季U22聯賽中最強守門員，只能夠講U22同超聯既速度係兩回事。
唔知點解唔用黃梓豪，對上兩場我覺得佢雖然有小失誤但整體黎講唔算太差，係細粒咗少少，劉偉翰身材優勢明顯啲。或者波波想比個機會劉偉翰試試？但喺場護級六分波黎試咁刺激？
Anyway唔係判劉偉翰死刑，事實上我重申佢都有精彩既表現，只係啲失誤太肉酸仲要唔止一次咁解，21歲仔，加油，唔好負咗有人讚你「上季U22聯賽中最強守門員」。
咁你會問，何文輝係咪死咗刑？理論上唔係既，但正如早幾個星期講既，佢最大問題唔係能力上問題，而係佢外援身份既問題。佢一來唔係特別突出到值得用一個外援名額，二來一樣都係炸彈，三來連身材優勢都冇乜，我覺得球隊有空間比本地球員/keeper成長，但唔應該比外援黎學踢波。
只能夠講佢既港超夢未完，但佢要證明到比人睇，點解值得犧牲一個外援出場名額去用佢。
至尊沙田後防有問題，但佢哋前面喺同級球隊黎講真係好OK，占士史葛真心cls。
流浪繼續頹勢，以一比零不敵北區，咁搞法，佢哋都幾撚大鑊。 想知得更多詳情？立即Click這裡
本文章由Open AI人工智能編寫，僅屬學術用途。
可參考相關同類新聞
相關報道
沙田籃球挑戰賽盛況空前，500名籃球高手共襄國慶盛事。
沙田晨曦：成哥親自迎接陽光的雄心。
大衛施華重返至尊沙田賽道，班主表示這是一場非定數的賽事。