【每日特價料理】旺角抵食居酒屋! 日本直送刺身·雞串
呢間旺角隱世日本居酒屋，雖然要搭𨋢上2樓，平時行街好易忽略咗，但其實地點好方便～油麻地、旺角地鐵站行過去都好近。
最最最吸引係價錢貼地，料理選擇好多！有刺身壽司外，仲有壽喜燒、海鮮丼飯、燒物等。除咗日本直送魚材外，仲有日本宮崎A5和牛、日本雞串燒等。最近仲有超多優惠，CP值好高！
注目！晚市堂食優惠
|
– 所有正價刺身、壽司85折 (7:15前落單)
– 凡惠顧晚市堂食滿$100，即享優惠價$68 三文魚刺身1客(10片) (惠顧滿$200，即可不限次數享用此優惠。)
– 一系列特價壽司：火炙黑松露帶子壽司$9/件、火炙海膽醬赤蝦壽司$9/件、三文魚腩壽司$12件、赤貝壽司$9/件 |
晚市大割引
|
每日都有特價料理㗎！
星期一: 北海道帶子刺身 優惠價$48 (原價$68) 星期二: 黑松露三文魚沙律 優惠價$32 (原價$45) 星期三: 珍寶牛肉壽喜燒 優惠價$68 (原價$98) 星期四: 象拔蚌刺身 優惠價$58 (原價$88) 星期五: 北寄貝刺身 優惠價$32 (原價$48) 星期六: 吉列日本生蠔 優惠價$38 (原價$58) 星期日: 油甘魚刺身 優惠價$42 (原價$62) |
日本直送魚生
「大山日本料理」每日都有唔同日本飛機貨，6、7月時令刺身有間八、深海池魚、油甘魚等，呢類白身魚喺夏天特別鮮甜，見到一定要叫嚟試呀。
店內掛滿日式燈籠、懷舊海報，好似去咗日本咁，啱晒打卡。
特上刺身拼盤 足有半板海膽！
貼地價錢吸引好多年輕食客，最高級嘅「特上刺身拼盤」只係$368，有半板海膽外，仲有大拖羅、三文魚腩、赤蝦、活赤貝、三文魚籽，幾個朋友share 都勁滿足。
「特上刺身拼盤」有半板海膽、拖羅、三文魚腩等高質刺身。
日本直送刺身，好新鮮。
同場多款壽司、火炙壽司、卷物，只係$16起。
想過刺身口癮，仲有超抵選擇！呢道「海鮮沙律」$88，鋪滿多款魚生。
「海鮮沙律」$100有找就食到多款魚生。
日本人最鍾意喺居酒屋飲酒傾計，呢度最受歡迎係「西班牙檸檬生啤」，入口綿滑輕甜，女仔都啱。同場亦有多款清酒，無論凍/熱都係$88起。
最人氣「西班牙檸檬生啤」，綿滑輕甜。
燒物&串燒
呢度有唔同海鮮燒物、串燒，近日廚師推介「燒花魚」，以日本傳統一夜干做法，魚油豐富之餘，獨特鹹香佐酒一流。
廚師推介「燒花魚」，傳統一夜干做法好啱佐酒。
串燒選擇都好多，價錢$25-$128不等。有人氣「鹽燒雞軟骨串」、「黑豚腩肉串」、「鹽燒厚切牛舌串」等外，更不定期由日本直送「雞肝串」、「日本雞胸串」同「日本雞肉串」～真．日本雞肉串唔係度度食到㗎，值得期待。
串燒即叫即燒，食落仲好juicy。
串燒啖啖肉，不定期有日本雞串㗎。
熱辣辣一品料理 價錢划算
一品料理有多款鍋物、鐵板燒，滾住食牛肉壽喜燒、豚肉泡菜鍋、野菜鍋 等特別有氣氛！同場亦有鐵板牛柳、清酒牛油煮蜆、大阪燒等，價錢大約$48至$88，好抵食。
多款鍋物、鐵板燒、大阪燒，飲酒慢食好有氣氛。
大山日本料理
地址: 旺角西洋菜南街2W-2X號2樓
電話: 34264948
* 資料由客戶提供
以上內容節錄自Openrice，請查看官方網站
相關報道
沙田官立中學內地交流團集體腸胃炎！21人發燒嘔吐不適，衛生署已通報內地 | U Food
鮨樂4大優惠！$18無限換日本豐洲直送大拖羅壽司、送原板海膽、全單8折！附分辨冰鮮與急凍吞拿魚知識！
哈佛研究揭示1類蛋白質有助延長壽命，可延緩老化達46% | U Food