串燒宵夜新開! 送生蠔&生啤買2送1 Prime牛小排·原條筍殼魚必食
有燒肉串、海鮮、川辣酒煮東風螺等，勁多選擇。
仲記唔記得疫情前，會成日約friend去佐敦、銅鑼灣食宵夜。雖然而家都回復返正常生活，但3年疫情過後好多宵夜舖都無咗喇;如果你都搵緊有咩串燒宵夜好食，可以一試喺佐敦文英街開咗10幾年嘅「川燒」，最近佢哋喺灣仔都開咗新分店，由銅鑼灣行過去都係大約5分鐘咋。
日式環境好啱飲清酒、生啤。
新開嘅港島分店「川燒 串燒·酒埸」喺灣仔、銅鑼灣交界，如果你喺呢兩個區放工；或者喺灣仔會展睇完show嚟都好方便。呢度下晝5點半開到凌晨2點，就算夜晚11點幾嚟食吓串燒，都有大把時間坐低relax吓。
「川燒 串燒·酒埸」試業優惠！
|
1) 凡惠顧即送日本燒生蠔1隻 2) 晚上7:00前入座(6:30截單)，生啤買2送1* *星期五、六及公眾假期前夕除外 |
川燒 串燒·酒埸」門口好似日本居酒屋，夜晚宵夜時段更有feel。
【日本串燒爐鎖住肉汁】即睇有咩燒肉必食～
好多人都知佐敦文英街以前出名食宵夜，串燒質素無返咁上下都好難做10幾年。港島分店同樣重視串燒質素，串燒爐特別喺日本訂返嚟，高火力鎖住肉汁同海鮮鮮味，唔會燒到乾噌噌。
野椒汁燒牛小排
Prime grade牛小排本身肉質同肉味已經好正，呢種級數嘅牛唔使燒到好熟㗎，5成熟啱啱好keep到入面粉粉嫩嫩。燒嗰陣灑咗少少鹽，再加埋特調燒汁好惹味。
燒特級厚切牛脷
平時食串燒一定嗌牛脷！呢度牛脷仲要勁厚切，完全做到輕韌彈牙口感。
基本串燒款都齊，選擇好多。
手打免治雞肉棒係用新鮮雞肉慢煮再燒，食嗰陣蘸滿日本蛋漿食好滑。
經典串燒都有好多選擇，燒雞軟骨、燒豬頸肉、日本雞皮串等等，基本上平時想食嘅都有。另外日本高級串燒店必有嘅燒手打免治雞肉棒都有㗎～免治肉係用新鮮雞肉加入蔥花、調味再慢煮而成。一有人落單就即燒，加埋日本蛋口感滑嘟嘟。
燒麻辣田雞串
坊間少見嘅串燒都有機會喺度搵到～好似呢串麻辣田雞咁，係每朝去街市買新鮮田雞加麻辣秘製醬燒，飲酒一流。
【每日親到街市買海鮮】
呢度多款海鮮都係即日街市買㗎，所以每日海鮮都唔同。而且唔用雪藏貨，當日賣晒就無喇，想食可以預早同店家講定先。今次我哋嘅是日海鮮有鹽燒筍殼魚、燒蘇格蘭蟶子王、汁燒南非鮑、燒日本喜知次等等。
鹽燒筍殼魚，勁大條又脆卜卜。
海鮮嚟講，最深刻印象就係呢條筍殼魚，真係估唔到佢咁大條！平時出街食都係油浸筍殼魚多，雖然個皮好脆但都好易膩。呢度就先喺魚肚放入南薑、金不換、辣椒等香料，再用慢火煮至入味嫩滑，最後灑上粗鹽燒到魚皮脆卜卜，食落幾有泰國風味。
燒鮮白鱔
呢度嘅招牌海鮮仲有白鱔，係新鮮原條白鱔切件後，再以鹽、醬汁燒成，一咬落去好彈牙仲會滲出魚油，鍾意白鱔嘅話必試呀。
其他燒海鮮都好juicy㗎。
(左)燒蘇格蘭蟶子王、(右)燒日本廣島蠔
【手工創作燒物】
成日食串燒都想有啲新意，「川燒 串燒·酒埸」都有自家創作日本燒物。口感控一定要試黑松露腐皮溫泉玉子，點諗到呢3樣嘢加埋一齊咁吸引!! 師傅用腐皮包住溫泉玉子輕炸，一咬開出面酥酥脆脆嘅炸腐皮即刻爆出蛋漿，加埋黑松露提香勁有層次。
黑松露腐皮溫泉玉子
聽講好多女仔熟客都鍾意嘅豚肉生菜卷，豚肉唔會太厚太膩，食落反而有啲焦脆，加埋勁滿生菜健康解膩。
燒豚肉生菜卷
【係麻辣呀！】
除咗一系列燒物，飲酒真係唔少得麻辣嘢！淋滿麻辣汁嘅糖心皮蛋有齊黑、黃兩款皮蛋，一次過試晒兩種口感。
涼拌麻辣松花鴛鴦糖芯皮蛋
麻甩友對於川辣東風螺真係零抵抗力，新鮮東風螺勁有海水味。一邊傾計一邊用竹簽拮出螺肉，真係有種莫名療癒感。
川辣酒煮東風螺
川燒 串燒·酒埸
地址: 灣仔駱克道399號地舖
電話: 36188278
* 資料由客戶提供
以上內容節錄自Openrice，請查看官方網站
相關報道
沙田官立中學內地交流團集體腸胃炎！21人發燒嘔吐不適，衛生署已通報內地 | U Food
鮨樂4大優惠！$18無限換日本豐洲直送大拖羅壽司、送原板海膽、全單8折！附分辨冰鮮與急凍吞拿魚知識！
哈佛研究揭示1類蛋白質有助延長壽命，可延緩老化達46% | U Food